এসাদে এসাদেতে, অলকগ লকেইর ঘর আগর মানুয়ে নামরিল হজকর গাছর আঠি ঔতা কিসাদে করেথাং পাবেলাছিতা। বরিষার পইলা বরন পড়লে রুয়েইবাংতা বুলিয়া কুলা আহানাৎ উঠানর আগাৎ, রইদহানাৎ সরাদেছিতা। ঔ ঘরর বাঘগ পারা কালা কুকুর ঔগই আহির পট নাবেলেয়া ঔতা রাহিয়া বয়া আছে। সুপ কাদাত্ত না সেচের। ভয়ংকর কুকুর ঔগরে দৌয়ে পেয়া ডরপেইতারাগ । সরারেলে দিনহানাৎ তা আটের পথগদে যিতেগা গজেত্ত আঠি ঔতা দেহিয়া চিনে বেল্ল। অবাই পরল্লেই আহান অইলহে! তা বাকি দৌ উতারে ডাহিয়া মাৎল— চেই, চেই। অলগ লকেইর উঠানে নামরিল হজকর আঠি। টেইপাঙ মানুর ঘরে নামরিল হজকর গাছ উঠলেতে আর উপায় থাইলতা? ঔতার পাতা আহান খেইলেই টেইপাঙ মানুয়ৌ দৌর সাদানে অমর অইতাই, চিরযৌবনল থাইতাই। এসাদে অইলেতে বিপর্যয় আহান অইতই। না না। কুনোমতে টেইপাঙ মানুয়ে নামরিল হজক পানা নার। কিহানতে করানি? হাবিয়ে পরামর্শ করিয়া বেলিরাজারে মাৎলা, পারিল মাহি রইদহান সারকরানিরকা। ভয়ংকর কুকুর ঔগ রইদহানে সেচিয়া গেলেগা আঠি ঔতা আনে পারবাতা নিংকরিয়া। রইদহান সারনিয়ে কুকুর ঔগ কুলাহানর আরাকৌ কাদাৎ গিয়া টপকরে কানহানি বেলেয়া বটিয়া থাইল। নাইলকো— বুলিয়া