থাইতারা। লেজগ খাংদা তুলে তুলে সরার পানির কাদার মাটিত আটতারাতা। হুচ্চুরিয়ে আটতারা দাগ থার। থবালার বনক দলালেইমা হুচ্চুরিগ অয়া সরার পারে পারে থানা অকরল। থবালাই বনকরে মাংকরিয়া ঘরে আলইল। মালকে আংকরিরি - দলালেইমাতে কই? ‘হুচ্চুরিগ অয়া ফরদিয়া গেলিগা সরাপারেদে’ থবালাই উত্তরহান লইল। মালক বিসারেয়া আহিলি সরাপারেদে। দেহিরিতা খাংদা খাংদা লেজগ তুলে তুলে ‘ঠিস ঠিস' করিয়া রহে রহে হুচ্চুরি আগ ফালদিরি। মালকে দেহিয়া হারপেইল এগই ইমে তেইর দলালেইমা। উহানাত এলা আহান দিয়া কাদে কাদে মালকে ডাহানি অকরল - "আইনে ইমা আইনে "দলালেইমা গিদেয়ৌ "তোরকা ইমা দিনে রাতিয়ে "কাদিয়া থাইলু হৌ ভাত থয়া... হুচ্চুরি এগই উত্তরহান লইল- "নাহুরি ইমা নাহুরি "হাংকা আছিল তোর জিলক "এবাকা অইলু তোর বহক... মালকে ডাহিয়া আনে নুয়ারল উপেইত খুল্লা বেয়ক মানু গেলগা ডাহানিত। কাদে কাদে ডাহের - "আইনে গিদেই আইনে "গিদেই রৌ গিদেই আইনে "ঘরে যিকগা... হুচ্চুরিয়ে উত্তরহান দিল- "নাহুরি মানু নাহুরি "হাংকা আছিলু তোর বনক "এবাকা অইলু তোর বৌজক... আজি পেয়াউ সরার পটে পটে দলালেইমা