গাঙ আহানাত বামুন আগ আছিলতা। বামুন উগতে সাক্‌তিবুদ্ধির অজাগ। বামুন এগই গাঙ উহানাত জারি করলতা যেগ তার ঘরে কাম করতাই উগরে আমুলি চারিপাতার গজে ভাত খানারতা দিতই। তবে থানা নারতৌ বুল্লে কানহান কাপে দিতই। বারো কামিলা উগরে বামুন উগই নিকালাদেনাতে নারতই। নিকুল বুললেই বামুনগর কানহান কাপিয়া কামিলাগই থনা পারতই। শর্ত এতা হুনিয়া কুনো কামিলা তার ঘরে কাম করাত নাহিতারা। কিতাপারা কামিলা আগ নাঙহান রবি কাম নাপানি আকয়া বামুন এগর শর্ত এতা য়াকরিয়া বামুনগর ঘর এগত থাইলগা। পইলাকার দিনে আমুলি পাতাহানাত ভাত দেনার লগে লগে ভাত অরতকো মাটিহানাত পড়ে পড়িলগা। হৌ দিতৌ হাবি মাটিত পড়িল। খানা নারল কামিলা এগই। কাম নাকরতৌ বুল্লেউ কানহান কাপে দিতই। কিহান করবহান উপায় নাপার। নাখেইতে নাখেইতে রবি এগর গারিগ শিংলতগ অলইল। এপেইত থাইলেতে মরেহে পড়তৌগা বুলিয়া বামুন উগরে রবিয়ে মাতল— এসাদে অইলেতে মি থানা নারতৌ। মাতানির লগে লগে শর্তহান ইলয়া বামুন এগই কানহান কাপিয়া এরাদিল। রবি এগরে কানহান কাপে দেনাই তা মনর দুঃখে ঘরে আহিল। খুল্লা বেয়ক মেকাটাই য়ারি এহান হুনিয়া বামুন এগর ঘরে আহিল। মাতল হাবি