দেশ আহানাত রাজা আগ আছিল। উগর রানী উগ মুনিশৌ আগই বারো জেলাশৌ আগই থয়া দৌ অইলি। রাজা এগ শৌ দ্বিয়গিরেল নিয়াম লইলাটে পড়িল। রাজাগিরি রাজসভাত থাইল উবাকা শৌ দ্বিয়গি কন্নুঙগর দুয়াদে দাবদা ফালদি করিয়া খেলতারা, দাসদাসী উতাই পাঙ পাঙচেত খিয়াল করানি নেই। কন্নুঙগর খাটাঙেদে কিতাদে ইমে খেলেয়া থাইতারা। উপেইত জেলা আগই শৌ এতারে নিক্কাপর খৌয়েইরি পিউয়েইরি। খৌয়েয়া পিউয়েয়া তানুরে মাতিরি— তোমার বাপকে কিতাপারা মোরে নিলেগাতে আরাকৌ হুয়াত হুয়াততা নিক্কা খৌয়েইতৌ। তাক্করে তাক্করে হিনাদিতৌ। য়ারি হুনা হুনা ঘুমজাদিতৌ, ডেনডেকুরি চড়াদিতৌ। শৌ এতাই নিক্কা বাপকরাং এহান গিয়া বাগেইতারাগা। রাজা এগ নিক্কা হুনের কিত্তাউ না খুমকরের। হুনতে হুনতে শৌ এতার মেইথঙ এহান দেহিয়া যেতাউ অক বুলিয়া জেলা উগরে রাজার রানীগ করিয়া আকদিন কন্নুঙগত আনিয়া বরেইলগা। রাজাগিরিয়ে শৌ উতারে অমাটিকৌ বাহনা পার। নুয়া রানী এগই বারো খালকরিরি এতা থাইতে তেইরাং শৌসুমারা কিতাপারা জরম অইলেউ তানু সিংহাসনে বহে নারতাই। উহানে, তেই শৌ দ্বিয়গিরে তালকরানির লৌহল আহান নিকাল্ল। বিয়ানে বেলুকাই জেঠি নিঙলশৌ উগরে যেহানাতৌ