বিষ্ণুপ্রিয়া মণিপুরী ব্যাকরণ
(Bishnupriya Manipuri Grammar)
দ্বাদশ অধ্যায়: উপসর্গ বার অনুসর্গ, পরসর্গ (Prefixes and Suffixes)
১। উপসর্গ (Prefix)
ধাতুর মুঙে চেপয়া অব্যয় আকতাই ধাতুর অর্থপষ্ট করের বার তঙাল করের ঔ অব্যয় তারে উপসর্গ (Prefix) মাতারা। নামপদর মুঙেউ উপসর্গ বহের। সংস্কৃত উপসর্গ আকুরিগ— প্র, পরা, অপ, সম্, অনু, নির্, অব, দুর্, অভি, বি, অধি, সু, নি, উৎ, অতি, প্রতি, পরি, অপি, উপ, আ।
| উপসর্গ | অর্থ / ব্যবহার | উদাহরণ |
|---|---|---|
| প্র | শ্রেষ্ঠ, পষ্ট বা বুজ্জিল-বরা অর্থহান বুজার। | প্রকাশ, প্রজ্ঞা, প্রগতি, প্রকৃষ্ট আদি। |
| পরা | বিপরীত অর্থহান বুজার। | পরাজয়, পরাক্রম আদি। |
| অপ | তলপা বার বিপরীত বুজার। | অপযশ, অপমান, অপলাপ, অপবাদ, অপব্যয় আদি। |
| সম্ | সঙ্গতি বার সম্পূর্ণহান বুজার। | সম্মান, সমাদর, সন্তুষ্ট (সম্ + তুষ্ট) আদি। |
| অনু | কাদা, সাদৃশ্য, পিঠি ইত্যাদি বুজার। | অনুরূপ, অনুকূল, অনুতাপ, অনুনয়, অনুরোধ, অনুকরণ, অনুপ্রবেশ, অনুমতি আদি। |
| নির্ | বাহির, নেই, নিশ্চিত অর্থে ব্যবহার অর। | নির্দয়, নির্জীব, নিরাকার, নির্বাণ আদি। |
| অব | নিন্দা, তলেদে, লামানি বুজার। | অবচেতন, অবক্ষয়, অবরোধ, অবলম্বন আদি। |
| দুর্ | নিন্দা, হীন, কঠিন বুজার। | দুর্জন, দুর্গম, দুর্জয়, দুর্গতি আদি। |
| অভি | প্রশংসা, উন্নতি নির্দেশ করের। | অভিনন্দন, অভিজ্ঞ, অভিমান, অভিযোগ আদি। |
| বি | বিশিষ্ট, বাহির, বিকার, বিশেষ জ্ঞান বুজার। | বিশেষ, বিখ্যাত, বিয়োগ, বিজ্ঞান, বিনয়, বিচার, বিধান আদি। |
| অধি | কর্তৃত্ব, অধিক, গজে, হাদিত (হম্বুক) বুজার। | অধিকার, অধিবাস, অধীন, অধীশ্বর, অধ্যয়ন (অধি + অয়ন) আদি। |
| সু | প্রশংসা, মঙ্গল, ভদ্রতা, হবাহান বুজার। | সুজন, সুযশ, সুখ্যাতি, সুবোধ, সুধীর, সুচিন্তিত আদি। |
| নি | নিন্দা, অভাব, ভিতরে, তল বুজার। | নিবেদন, নিযুক্ত, নিদর্শন, নিবাস, আদি। |
| উৎ | গজে, উন্নতি, আঠৈপা বুজার। | উদ্ধার, উদ্ধত, উজ্জ্বল, উচ্চারণ, উত্থান আদি। |
| অতি | আঠৈপা, নিয়ামপারা বুজার। | অত্যাচার, অতিবৃষ্টি, অতিমানব আদি। |
| প্রতি | বিপরীত, আগই আগর সমান বুজার। | প্রতিশোধ, প্রতিকূল, প্রতিষ্ঠা, প্রতিপদ, প্রতিবাদ, প্রতিকার, প্রতিহিংসা, প্রতিদ্বন্দ্বী আদি। |
| পরি | বুজিয়া (ব্যাপক), আচ্চৌপা, সম্পূর্ণ, বিরুদ্ধ বুজার। | পরিজন, পরিত্যাগ, পরিণত, পরিষদ, পরিস্থিতি, পরিত্রাণ, পরীক্ষা আদি। |
| অপি | কাদা, ভিতর নির্দেশ করের। | অপিনিহিতি (ব্যাকরণে) আদি। |
| উপ | আকসাদে, কাদা বুজার। | উপকূল, উপনদী, উপমা, উপসর্গ, উপকার, উপদেশ, উপ নয়ন, উপদ্রব আদি। |
| আ | খানিপ্পারা, আচ্চৌপা, সীমা, সম্পূর্ণ কিতা বুজার। | আক্ষেপ, আগ্রহ, আগম, আকার, আকাশ আদি। |
বিষ্ণুপ্রিয়া মণিপুরী উপসর্গ (Native Bishnupriya Manipuri Prefixes)
These prefixes are specific to the Bishnupriya Manipuri language:
| উপসর্গ (Prefix) | অর্থ (Meaning/Usage) | উদাহরণ (Examples) |
|---|---|---|
| অ | অভাব (নেই) অর্থে। | অবলা, অজানা, অখুশী, অচিনা আদি। |
| আ | নেই অর্থে। | আকাল, আসলপা আদি। |
| আ | হব্বা অর্থে। আঠইপা, আচ্চৌপা, আতাংপা, আতাংনাপা আদি। | |
| বে | নেই অর্থে। | বেতাল, বেহাল, বেঠিক আদি। |
| নি | নেই অর্থে। | নিদান আদি। |
| বেম্ | নেই অর্থে। | বেমতাল (বেংতাল) আদি। |
| বিম্ | বিশেষ অর্থে। | বিমবুলা (মুরগ বুলানিহান) আদি। |
| হে | নেই অর্থে / যেবাকাউ অর্থে। | হেমান (নেইমান), হেবেলা (হেবেলাউ তার য়ারি উহান দের)। |
| হেক | জিদ অর্থে। | হেকঠেলা, হেকজল আদি। |
| হেম | নিকৃষ্ট অর্থে। | হেম্বেরা (বুজহান কমগ) আদি। |
২ (ক) অনুসর্গ বার পরসর্গ (Suffix & Post-position)
সংজ্ঞা (Definition):
বাক্যৎ বিভক্তি বা প্রত্যয় ছাড়া আরাক অব্যয়পদ আকতা শব্দ বা ধাতুর থাংনাৎ বয়া তার তুল বাক্যর অন্য পদর সম্বন্ধহান বুজার, উতারে অনুসর্গ (Suffix) বুলতারা।
(In a sentence, apart from inflections or suffixes, certain indeclinable words that sit after a noun or verb to show its relationship with other words are called Anusarga.)
বাক্যৎ বিভক্তি বা প্রত্যয় ছাড়া আরাক অব্যয়পদ আকতা শব্দ বা ধাতুর থাংনাৎ বয়া তার তুল বাক্যর অন্য পদর সম্বন্ধহান বুজার, উতারে অনুসর্গ (Suffix) বুলতারা।
(In a sentence, apart from inflections or suffixes, certain indeclinable words that sit after a noun or verb to show its relationship with other words are called Anusarga.)
কতগ অনুসর্গর ব্যবহার তলে দেনা অইল(Examples of Suffix Usage):
- কাজে — 'কার কাজে কাদুরিতা আকগয়ো হারানপেইলা।' (গীতিস্বামী)
- কা বুলিয়া — 'তরকা বুলিয়া বিভুলাগ' (ঠইগ — মদনমোহন মুখোপাধ্যায়)
- সালে — মানুর সালে নিজর ক্ষতি অরতা হারানপার।
- সাদে — তার সাদে মানু দুগ সুৱয়া নেই।
- ডেকি — তর ডেকি মানুতে নাদেহেসু।
- নায়া — তা নায় মরতা নার।
| অনুসর্গ (Suffix) | উদাহরণ (Examples) |
|---|---|
| তুল/তুন | বিনতার তুল যাগা; তেই যতিনর তুন আইলি। |
| চুৱা | আহৌর চুৱা খরচ অইতই। |
| করে | কিসাদে করে তার তুল দেহা করতৌতা! |
| মাজে | এলার মাজে ধ্রুপদী কঠিন। |
| লগে | মানুর লগে কৌলি নাকরিস। |
| জিঙে | তই জিঙে, কতি ঠেকা নেয়া টটারারতা! |
| ছাড়া | তা ছাড়া কুনগই এহান করে নুৱারতাই। * |
| মাটিক | মতির নারগ বাখানর মাটিক। শচীনর খেলা চেইল মাটিক। |
| করে, করিয়া | দ্বিয়গি অর্থ আকহানাৎ ব্যবহার অর। (এসাদে করিয়া সমস্যাহান জবর করেবেল্লাতা। এসাদে করে তা দিনে দিনে ডাঙর অইল।) |
| পেয়া | আজিপেয়া তর পথগদে চেয়া আসু। |
২ (খ) পরসর্গ (Parasarga)
সংজ্ঞা (Definition):
অনুসর্গর সানে আরাক অব্যয় আকতা আসে, যেতা পদর থাংনাং বইলে পদ উগর তুল বাক্যর অন্য পদর সম্বন্ধহান বার ভাবহান পুরা অর উতারে পরসর্গ বুলতারা। কুন কুন গিরিগিথানীয়ে পরসর্গরে অনুসর্গর তঙাল বিবেচনা নাকরতারা।
অনুসর্গর সানে আরাক অব্যয় আকতা আসে, যেতা পদর থাংনাং বইলে পদ উগর তুল বাক্যর অন্য পদর সম্বন্ধহান বার ভাবহান পুরা অর উতারে পরসর্গ বুলতারা। কুন কুন গিরিগিথানীয়ে পরসর্গরে অনুসর্গর তঙাল বিবেচনা নাকরতারা।
পরসর্গ কতগ এসাদে (Common Post-positions):
- গা — ‘গা’ এগ ক্রিয়াপদ ‘গম’ বা ‘যা’-র লগে বহের বিভক্তিগর থাংনাং। যেসাদে— মি যাউরিগা; তা গেলগা, তি যিতেইগা আদি। ‘গা’ এগর আরাক প্রয়োগ আহান এসাদে— তি খাগা; তি পাগা; মি দেকুলগা; তা পেইলগা আদি। এতারমা ‘তি খাগা’ বুল্লে অর্থহান অরতা— ‘গিয়া খা’; ঠিক উসাদে ‘তি পাগা’ বুল্লে অর্থহান অরতা— ‘গিয়া পা’ এসাদে।
- হা — পেইলহা, ফৱইলহা আদি। (এপেইৎ কথা আহান হারপানি থক : ‘গা’ এগই দূরেইৎ বার ‘হা’ এগই কাদাৎ বুজার— তা বাজারে ফৱইলগা; তেই এপেই ফৱইলিহা।)
- পুরি — ৱাহিরর লগে যুক্ত পঞ্চমী বিভক্তিগর পিসে এ পরসর্গ এগ যুক্ত অর। যেসাদে— আইত্তপুরি ৱাসাক করলু— ইমা ঠারর কাম করে যিতৌগা।
- দে — ৱাহিরর লগে যুক্ত সপ্তমী বিভক্তিগর পিসে এ প্রত্যয় এগ যুক্ত অর। যেসাদে— তা বাজারেদে গেলগা। “গরর বারাদে তক্পাগ, গরে বিতরে মেকুরগ, হয়বাউ হম”।
- দেগা — কথাহানাৎ জোরহান দেনারকা— ত্বরাকরে গিয়া দেগা গিরক।
দ্রষ্টব্য (Note):
* ‘ছাড়া’ প্রত্যয় এগ বাংলা ঠাররগ। সময় বিশেষে লেখকে ব্যবহার করতারাতা থকয়া এগরে য়ৌকরানি অইলতা।
উপসর্গ, অনুসর্গ বার পরসর্গ (Prefixes and Suffixes - Continued)
না, এনা — দিলুগ + এনা = দিলুগএনা > দিলুগ'না। সাধারণত 'এ' এগ উহ্য থার। যেসাদে— তরে দেহিলুগ'না (দেহিলুগ + এনা)। এপেইত কথা আহান— কুন কুন গিরিগিথানীয়ে 'দিলুগনা', 'দেহিলুগনা' এসাদেউ ইকরতারা।
- ক — নিংশিং অয়া রুপাহানি দিস্গাক! সৌগর বিয়াৎ আহিস্ক।
- — মন-প্রাণ এক করিয়া ডাকলুনাইক প্রভু! কিছুমান বুলনদিয়াউ নাচাদিলে! আদি
তা — মরে রুপা খানি দিস্তা। সলিলরে পৌহান দিস্গাতা। কালি খানি আহিস্তা।
গ — এগ নির্দিষ্ট বুজেইতে ব্যবহার অর। যেসাদে— উগ মরগ, এগ তরগ। কথাহান দরা করতেগাউ এগ যোগ অর। যেসাদে— মি মাতেহিলুগ, হৌদিন দিলুগ আদি।
কুরি — পুরি-র পটা কুন কুন গিরিগিথানীয়ে কুরি ব্যবহার করতারা।
নে, এনে — দে এনে খানি তরাকর। মরে রুপা খানি দে'নে। সাধারণত 'এনে'-র এ এগ বাদদিয়া ইকরানি অর।
বেলা — সর্ সর্ খা-বেলা, গাড়িহান আইতই। এসাদে—
নাই — তিতে মাতরনাই, মিতে মাতৈ নুৱারিয়া আসুতা। এসাদে—
না-কা — দে না-কা, খানি গিয়া আইগা। দে না-কা, সমাধান আহান নিকালা আদি।
Original Document Reference
Click on the pages below to view the original scans from the Bishnupriya Manipuri Grammar book.
